Нигерияда автоцистернанинг ЙТҲга учраши 9 кишининг ҳаётига зомин бўлди

Нигериянинг Лагос шаҳридаги кўприкда ёқилғи олиб кетаётган автоцистерна ёниб кетди. Ёнғин ўтиб кетаётган машиналарга ўтган. Бунинг оқибатида 9 киши ҳалок бўлган, 4 киши оғир аҳволда шифохонага олиб кетилган.   

Бу ҳақда маҳаллий Daily Post нашри шаҳарнинг фавқулодда хизмат вакилига иқтибос келтирган ҳолда маълум қилди.

Воқеа Одетола кўпригида юз берган. Ёнғинда 54 автомобилнинг кули кўкка совурилган.