Россия чорак финалда, Испания уйга қайтади

2018 йилги жаҳон чемпионатининг 1/8 финалида Испания ва Россия ўртасида Москвадаги «Лужники» стадионида кечган учрашувнинг асосий вақтида кучлар тенг келди ва ғолиб пенальтилар сериясида аниқланди (1:1, пенальтилар бўйича — 4-3).

Ўйиннинг 12-дақиқасида россияликлар жамоаси ҳимоячиси Сергей Игнашевич ўз жамоаси дарвозасини ишғол этиб қўйди. Мундиал мезбонлари 41-дақиқада Артём Дзюбанинг пенальтидан берган зарбаси эвазига ҳисобни тенглаштирди. Ўйин якунига қадар ҳисоб ўзгармади, қўшимча бўлимларда ҳам ғолиб аниқланмади ва пенальтилар сериясида россияликлар устун келишди. Россияликлар дарвозабони 2 марта пенальтини бартараф этди ва ўйин қаҳрамонига айланиб, россияликларни илк марта жаҳон чемпионати чорак финалига олиб чиқди.

Энди турнирнинг 1/4 финалида Россия Хорватия – Дания жуфтлиги ғолиби билан учрашади. Бу жуфтлик учрашуви бугун Нижний Новгородда бўлиб ўтади.

ЖЧ-2018
1/8 финал
Испания – Россия 1:1 (пенальти)
Голлар: 1:0 – 12, автогол Игнашевич, 1:1 – 41, пенальти Дзюба.
Испания – Де Хеа, Пике, Альба, Начо (Карвахаль, 70), Рамос, Коке, Бускетс, Иско, Сильва (Иньеста, 67), Асенсио (Родриго, 104), Диего Коста (Аспас, 80).
Россия – Акинфеев, Игнашевич, Кудряшов, Фернандес, Кутепов, Зобнин, Жирков (Гранат, 46), Самедов (Черышев, 61), Кузяев (Ерохин, 97), Головин, Дзюба (Смолов, 65).
Пенальтилар серияси: 1:0, 1:1, 2:1, 2:2, 3:2, 3:3, 3:4.
Огоҳлантиришлар: Пике (40), Кутепов (54), Зобнин (71).