Скотленд Ярд Скрипаллар ишида икки кишини гумон қилмоқда

Британия полицияси Бош разведка бошқармасининг собиқ полковниги Сергей Скрипаль ва унинг қизи Юлиянинг заҳарланишига икки киши алоқадор, деб ҳисобламоқда. Уларга шу йилнинг март ойида суиқасд қилинган эди. 

Скотленд Ярдга кўра, гумонланувчилар Бирлашган қиролликни жиноятни содир этганларидан бу кунисига тарк этишган. Бу ҳақда  The Sun газетаси Британия полициясидаги манбаларига асосланган ҳолда ёзмоқда. Ҳодиса 4 март куни Солсбери шаҳрида рўй берган эди. 

Полиция, нашрга кўра, бу хулосани ишдаги "жиддий ўзгариш" деб баҳоламоқда. Мақолада ёзилишича, исми келтирилмаётган бу шахслар Россиядадир.