Қўшимча функционаллар
-
Тунги кўриниш
Екатеринбургда одам савдоси учун қидирувда бўлган ўзбекистонлик аёл қўлга олинди
Россиянинг Екатеринбург шаҳрида Интерпол ходимлари транспорт полицияси ходимлари билан ҳамкорликда одам савдоси ва қотил ёллашда айбланиб қидирувда бўлган ўзбекистонлик аёл қўлга олинди. Накануне.RU нашрининг хабар қилишича, аёл тез орада Грузияга топширилади.
Экстрадицион текширувда аниқланишича, аёл 2012-2013 йилларда Грузияга келган ва тўрт нафар ватандош қизларни юқори маош ваъда қилиб Грузияда ишлашга таклиф қилган. Қизлар келишгач, уларнинг паспортларини олиб қўйган ва фоҳишалик билан шуғулланишга мажбур қилган. Қизлардан бири у ҳақида полицияга шикоят қилишини айтиб қочишга уринганида аёл қизни ўлдириш учун қотил ёллаган ва ўзи Россияга қочиб кетган.
Россия бош прокурори ўринбосари Грузия адлия вазирлигининг аёлни Грузияга топшириш ҳақидаги сўровини қаноатлантирган.
Мавзуга оид
22:30 / 25.10.2024
Хитойда 17 болани ўғирлаб сотган аёл ўлим жазосига ҳукм қилинди
15:55 / 09.10.2024
Тошкентда инсон аъзолари олди-сотдиси билан шуғулланган талаба жиноий жазога тортилди
20:17 / 27.09.2024
Қозоғистонда ўзининг ички органларини қарийб 19 минг долларга сотмоқчи бўлган шахс ушланди
12:50 / 20.07.2024