Япония мудофаа кучлари табиий офат ҳудудларида одамларни қутқаришга жалб этилди

Фото: Mainichi

Японияда дарё қирғоқлари яқинида ва кўчки хавфи юқори бўлган ҳудудларда истиқомат қилувчи 30 минг аҳолига зудлик билан бошқа жойларга кўчиш кўрсатмаси берилди. Бу ҳақда NHK телекомпанияси хабар қилмоқда.

Биргина Китакюсю шаҳрида 12 минг кишига шундай буйруқ берилган. Киотода 18 минг одам кўчиши кераклиги айтилган. Жануби-ғарбий ва марказий туманларда сурункали ёмғирларнинг тинмаётгани туфайли кўчки ва дарёларнинг ўзанидан тошиб кетиш хавфи ортмоқда. Сув тошқинларида одамларнинг оқиб кетгани ҳақида маълумотлар пайдо бўлмоқда.

Хусусан, Аки шаҳрида дарёлар ўзанидан чиқиб кетиши оқибатида 22 киши кўчишга улгурмаган. Кўплаб одамлар қутқарувчиларни уйларининг томида кутаётгани хабар қилинмоқда. Шаҳар маъмурияти қутқарувчилар ўз вазифаларини уддалай олмаётгани сабабли мудофаа кучларини ёрдамга чақирган.