Туркияда бошқарув шакли расман ўзгарди

Ражаб Тоййиб Эрдўған Туркиядаги президент республикаси даврининг илк раҳбари сифатида қасамёд келтирди.

«Барчаси бутун халқнинг кўз ўнгида чиройли ўтди. Умид қиламанки, бундан буён ҳам Туркияда ҳаммаси яхши бўлади», деди Эрдўған қасамёд қилиш маросими якунлангач.

Парламент биносидан чиққач, президент Мустафа Камол Отатурк мақбарасига борди ва Туркия Республикаси асосчисига эҳтиромини билдириб гулдаста қўйди.

Эрдўған кортежи бутун йўл бўйлаб аҳоли томонидан тақдим этилган гулларга қопланди.

Шу билан бугундан мамлакатда бошқарув парламент шаклидан расман президент шаклига ўтди.  

Эслатиб ўтамиз, Туркияда бўлиб ўтган президент сайловида мамлакатнинг амалдаги президенти Ражаб Тойиб Эрдўған 52,59 фоиз овоз тўплаб ғолиб бўлганди.