Тошкент вилояти давлат солиқ бошқармаси раҳбари ўзгарди

Тошкент вилояти давлат солиқ бошқармасига янги раҳбар ва унинг ўринбосари тайинланди. Бу ҳақда Kun.uz манбаси хабар берди.

Ўзбекистон Республикаси Президентининг тегишли фармойишларига асосан Ходжаев Кахрамон Аманович Тошкент вилояти давлат солиқ бошқармасининг бошлиғи этиб тайинланди.

Шунингдек, Тухлиев Фарход Каримович Тошкент вилояти давлат солиқ бошқармаси бошлиғининг ўринбосари лавозимига тайинланди.

Эслатиб ўтамиз, кеча Тошкент вилояти прокуратурасида ҳам кадр ўзгариши юз берди. Тошкент вилояти прокурори бўлиб ишлаб келган Баҳодир Пўлатов Сурхондарё вилояти ҳокими лавозимига тасдиқланди. Пўлатовнинг ўрнига ким вилоят прокурори этиб тайинлангани ҳозирча номаълум.