Қўшимча функционаллар
-
Тунги кўриниш
Сеулга яшил йўлак орқали патрон олиб кетаётган шахс тўхтатиб қолинди
Фото: Давлат божхона қўмитаси ахборот хизмати
“Тошкент-Аэро” ихтисослаштирилган божхона комплекси ходимлари қурол-яроғ ва ўқ-дориларнинг божхона чегараси орқали ноқонуний равишда олиб ўтилишига доир навбатдаги божхона қоидабузарлигини фош этишди, деб хабар бермоқда Давлат божхона қўмитаси ахборот хизмати.
“Тошкент” халқаро аэропортида Сеулга парвози олдидан фуқаро К.Т. божхонадан "яшил" йўлак орқали ўтар экан, унинг безовталаниши божхоначиларнинг диққатини тортди. Шундан сўнг, унга тегишли бўлган сумка рентген аппарати орқали назоратдан ўтказилганда, унда 2 дона патрон яширилганлиги аниқланди.
5,45 мм. ва 7,62 мм. калибрли патронлар божхона ходимларининг оғзаки сўровида ва йўловчи божхона декларациясида маълум қилинмаган экан.
Ҳозирда ушбу ҳолат юзасидан текширув ҳаракатлари олиб борилмоқда.
Ўзбекистон Республикаси Жиноят кодексининг 246-моддасига биноан контрабанда, яъни божхона назоратини четлаб ёки божхона назоратидан яшириб, портловчи моддалар, қурол-яроғ, ўқотар қурол ёки ўқ-дориларни, Ўзбекистон Республикасининг божхона чегарасидан ўтказиш учун жиноий жавобгарлик белгиланган.
Мавзуга оид
14:40 / 30.10.2024
Киев ва Сеул КХДРга қарши туриш учун алоқаларни фаоллаштирмоқда
08:50 / 22.10.2024
ОАВ: Сеул Украинага разведка ходимларини юбориши мумкин
10:51 / 22.07.2024
Сеул КХДРни яна чиқинди шарларини учиришда айблади
10:18 / 25.01.2024