Алишер Усмонов ўз активларини Россия қонунчилиги остига ўтказмоқда

Фото: getty images

Россиялик тадбиркор Алишер Усмоновнинг “Металлоинвест”, “Мегафон” компаниялари ва бошқа активларини назорат қилувчи Кипрдаги USM Holdings Limited холдинг компанияси активларини офшордан чиқариш ва USM гуруҳига бенефициар эгаликни Россия қонунчилигига ўтказиш жараёни якунланмоқда.

“USM’нинг барча асосий активлари янги ташкил этилган “Холдинговая компания ЮэСэМ” МЧЖ холдинг компаниясига USM Holdings Limited’нинг йирик бенефициарлари – Алишер Усмонов (49 фоиз) ва Владимир Скоч (30 фоиз) иштирокида ўтказилиши керак. Хусусан, бугунги кунда “Холдинговая компания ЮэСэМ”га “Металлоинвест”нинг 100 фоиз акциясига ва “Мегафон”нинг 56,32 фоиз акциясига эгалик қилувчи компаниялардаги 100 фоиз улушни ўтказиш ҳақида келишув имзолаган”, деб айтилган компанияда.

Ушбу ҳаракатлар натижасида USM гуруҳи компаниялари активларининг Россия қонунчилиги остига ўтказилиши жараёни якунланади.