“Тошкент - Урганч - Тошкент” йўналишидаги қўшимча поездларнинг ҳаракат вақти узайтирилди

“Ўзбекистон темир йўллари” акциядорлик жамияти “Тошкент-Урганч-Тошкент” йўналишида қўйилган қўшимча поездларнинг ҳаракат вақтини узайтирди. Бу ҳақда акциядорлик жамияти ахборот хизмати Kun.uz’га маълум қилди.

Қайд этилишича, бу йўловчиларга қулайлик яратиш мақсадида амалга оширилди.

Қўшимча қўйилган №256/255-сонли поезд жорий йилнинг 27, 29, 31 июль ва 2, 4, 6, 8, 10 август кунлари  соат 14:30да Тошкент жанубий вокзалидан Урганч томон ҳаракатланади. 28, 30 июль ҳамда 1, 3, 5, 7, 9, 11 август кунлари соат 08:35да Урганч вокзалидан пойтахтга қайтади.