Фото: Khaled Abdullah | Reuters
Яманлик ҳусийлар дрон ёрдамида Абу-Даби халқаро аэропортига ҳужум қилишди. “Интерфакс”нинг хабар беришича, бу ҳақда ҳусийлар назоратидаги ОАВга иқтибос келтирган ҳолда Al Arabiya телеканали маълум қилган.
Телеканал маълумотларига кўра, “Самад-3” дрони ёрдамида аэропорт биносига 3 та зарба берилган. Етказилган талофатлар ва жабрланувчилар ҳақида ҳеч нарса маълум қилинмаган.
Абу-Даби аэропортининг твиттердаги саҳифасида аэропорт ҳудудида унинг ишига таъсир кўрсатмаган, юк ташиш учун қурилма қўлланиши билан боғлиқ воқеа юз бергани маълум қилинган. Хабарда ушбу воқеага дрон алоқадор бўлган-бўлмагани айтилмаган.
БАА ҳукумати ҳусийлар ҳужуми ҳақидаги маълумотни тасдиқламаган.
