“Мерседес” жамоси пойгачиси Льюис Ҳэмилтон “Формула-1” пойгасининг 12-босқичи – Венгрия Гран-приси ғолиби бўлди.
Маррага иккинчи бўлиб “Феррари” аъзоси Себастьян Феттель, учинчи бўлиб унинг жамоадоши Кими Райкконен етиб келди.
Умумий ҳисобда Ҳэмилтон 213 очко билан пешқадамлик қилмоқда. 2-ўринни 189 очко билан Феттель, 3-ўринни 146 очко билан Райкконен эгалламоқда.
Муҳандислар кубогида “Мерседес” 345 очко билан етакчилик қилмоқда.
Пойганинг кейинги босқичи – Бельгия Гран-приси бир ойлик таътилдан кейин 24-26 август кунлари бўлиб ўтади.
