Ўзбекистон Халқ таълими вазирлиги хорижий инвесторларни мамлакатда хусусий умумтаълим мактабларни очишга таклиф қилди, дея хабар беради вазирлик матбуот хизмати.
Хусусий мактабларда ахборот технологиялари, табиий фанлар ва хорижий тиллар каби йўналишларда янги таълим бериш усуллари ва ўқув режаларини жорий этиш таклиф этилмоқда.
Халқ таълими вазирлиги хусусий мактабларни ташкил этиш, инвесторларни ҳимоя қилиш ва давлат томонидан қўллаб-қувватлашни таъминлашга йўналтирилган норматив-ҳуқуқий ҳужжатлар лойиҳасини тайёрламоқда.
«Биз хусусий мактаблар секторидаги катта хилма-хиллик ва рақобат фарзандларимиз учун таълим тизимини ривожлантиришга ижобий таъсир кўрсатади, деб ишонамиз, - дея маълум қилган Шерзод Шерматов. Барча халқаро мактабларни болаларимизга сифатли таълим беришга қаратилган қўшма лойиҳаларни амалга оширишга таклиф қиламиз».
Эслатиб ўтамиз, аввалроқ Шерзод Шерматов Ўзбекистонда кузатилаётган тарихий имконият ҳақида маълум қилганди.
