Жаҳон чемпионати ортидан даромад кўрган олигархлар номи маълум бўлди

Фото: Dv.ee

WMT Consult таҳлилий агентлиги Россияда бўлиб ўтган футбол бўйича жаҳон чемпионати ортидан даромад кўрган бизнесменлар рўйхатини тузди.

Жаҳон чемпионати туфайли спорт ва шаҳар инфраструктурасини барпо этиш бўйича энг кўп шартномаларни Геннадий Тимченко, Виктор Вексельберг, Олег Дерипаскаларга қарашли компаниялар қўлга киритишган.

«ЖЧ-2018 шунингдек, Михаил Фридман, Алишер Усмонов, Леонид Федун, Аркадий Ротенберг, Дмитрий Каменшик ва бошқа таниқли олигархлар иштирокисиз ўтмади», — дейилади WMT Consult тадқиқотида.

Маълумот берилишича, турнирни ташкил этиш 1,2 триллион рублга тушган. Ундан 134 миллиард рубль стадионлар қурилиши ва реконструкциясига, 352,5 миллиарди аэропортлар, йўллар ва транспорт инфраструктурасининг бошқа объектлари учун сарфланган.