КХДР ва Жанубий Корея генераллари учрашди. Уруш хавфини камайтириш муҳокама қилинди

Фото: Рёнхап

КХДР ва Жанубий Корея генераллари Пханмунжом чегара пунктида музокаралар олиб борди. Унда минтақадаги ҳарбий кескинликни камайтириш бўйича амалий қадамлар муҳокама қилинди. Бу ҳақда «Рёнхап» агентлиги хабар бермоқда.

«Биз Корея ярим оролида ҳарбий кескинликни камайтириш ва икки Корея ўртасида ишончни сақлаб қолиш мақсадида амалий чоралар кўриш учун қўлимиздан келганини қиламиз», - дея ўз мамлакатининг делегациясига раҳбарлик қилган Жанубий Корея генералининг сўзлари келтирилади.

Таъкидланишича, давлатлар вакиллари КХДР ва Жанубий Корея ўртасида апрель ойида бўлиб ўтган саммитдаги ҳарбий келишувларни ҳаётга татбиқ этиш бўйича амалий қадамларни муҳокама қилишди.