WhatsApp’да гуруҳ қўнғироқларини амалга ошириш функцияси пайдо бўлди

WhatsApp мессенжери ишлаб чиқарувчилари гуруҳ аудио ва видеоқўнғироқлари функциясини жорий этди, деб ёзмоқда The Verge.

«Фойдаланувчиларимиз қўнғироқлар учун кунига икки миллиард дақиқадан ортиқ вақт сарфлашади. Биз бугундан WhatsApp’да гуруҳ аудио ва видеоқўнғироқларини жорий этганлигимизни маълум қилишдан хурсандмиз», — дейилади ишлаб чиқарувчилар хабарида.

Битта гуруҳ қўнғироғида тўрттагача фойдаланувчи қатнашиши мумкин. Ушбу функциядан фойдаланиш учун бир кишига қўнғироқ қилиш, сўнгра экран ўнг бурчагидаги иштирокчиларни қўшиш имконини берувчи тугмачани босиш лозим.