Хитойда тўққиз киши юк машинаси иштирокидаги ЙТҲ натижасида ҳалок бўлди

Фото: xinhuanet.com

Хитойнинг Гуандун провинциясида юк машинаси иштирокида юз берган йўл-транспорт ҳодисаси натижасида тўққиз киши ҳалок бўлди. Бу ҳақда «Синьхуа» маҳаллий полицияга таяниб хабар бермоқда.

Аниқлик киритилишича, ҳодиса Хуэйдун уездида содир бўлган.

Йўл-транспорт ҳодисаси натижасида цемент ташувчи машина ағдарилиб кетган ва иккита енгил автомобилни босиб қолган. Яна икки киши тан жароҳати олди.

Рўй берган ҳодиса сабаблари аниқлаштирилмоқда.

Эслатиб ўтамиз, аввалроқ Мексикада автобус ва юк машинаси тўқнашгани оқибатида 11 киши ҳалок бўлгани хабар қилинганди.