Юнусобод туманида икки коллеж ўқувчиси талончилик содир этди

Иллюстратив фото

Тошкент шаҳрининг Юнусобод туманида жиноят юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Қайд этилишича, 31 июль куни Олмазор туманида яшовчи, Туризм коллежи 2-босқич ўқувчиси А.А. ва Шайхонтоҳур туманида яшовчи, Политехника коллежи 2-босқич ўқувчиси Ҳ.Қ. 2-даҳада турган Ж.М.га тегишли “Нексия” русумли автомашинаси эшигини очиб, автомашинанинг орқа ўриндиғида ўтирган бирга яшовчи онаси Г.Б. бўлишига қарамай, автомашина салонидан Ж.М.га тегишли ичида пуллари ва пластик карточкалари бўлган ҳамёнини олиб кетганлар.

Кўрилган чоралар натижасида А.А. ва Ҳ.Қ. ушланган.