Китоб бизга нима беради? (ижтимоий видеоролик)

Инсон қалби доим маърифатга муҳтож. Чунки ҳаёт йўлларини зимистон қоплаганда, муаммолар гирдобига қулаганда, айрилиқни бошдан кечирганда ва шунга ўхшаш сон-саноқсиз ғам-ғуссалар ёпирилганда одам боласини маърифатгина сақлаб қолади. Маърифат қаердан олинади? Албатта, китоб мутолаасидан, мутолаа завқидан.

Айнан мана шу мавзу юзасидан тайёрланган ижтимоий роликда китоб сотиб олиш, китоб мутолаасига ундаш каби эзгу даъватни тинглаш мумкин. Ушбу видеороликда турли ёшдаги, турли касб эгалари иштирок этган. Жумладан, унда Самарқанд вилояти ҳокими Эркинжон Турдимовнинг иштирокини ҳам кузатиш мумкин. Бу ҳам қайсидир маънода ёшларга ижобий таъсир кўрсатади. Ўйлаймизки, мана шундай ижтимоий роликларда турли соҳаларда фаолият юритувчи раҳбарларнинг иштироки уни томоша қилган оддий фуқарода ижобий таассурот уйғотади.