KUN.UZ ўзбек ОАВ ичида биринчи бўлиб Instagram'даги "тасдиқланган" белгисини олди

KUN.UZ сайтининг Instagram'даги саҳифаси "тасдиқланган" белгисини олди. Бу Ўзбекистондаги ОАВ орасида биринчи бўлиб KUN.UZ’га насиб қилди. 

Ҳозирда сайтнинг Instagram саҳифасини 926 мингдан ортиқ фойдаланувчи кузатиб бормоқда. Бундан ташқари KUN.UZ сайтини Telegram (427 минг), Facebook (216 минг), Одноклассники (237 минг), Twitter (20 минг), ВКонтаке (3 минг) ҳамда YouTube (192 минг) орқали жами 2 млн.дан ошиқ фойдаланувчи кузатиб боради. Сайт ижтимоий тармоқлардаги фойдаланувчилари сони борасида Ўзбекистонда етакчи ҳисобланади. 

KUN.UZ сайтини кузатишда давом этинг, биз эса, сизга тезкор, аниқ ва холис ахборотларни етказишда давом этамиз.