Видео: Ёнаётган завод узра оловли торнадо пайдо бўлди

Буюк Британиянинг Дербишир графлигида юз берган ёнғинни ўчирган ўт ўчириш хизмати ходимлари ноодатий атмосфера ҳодисаси - оловли торнадога гувоҳ бўлишди. Бу ҳақда UPI хабар қилмоқда.

Қуюн супермаркетлар учун пластик қутилар ишлаб чиқарилувчи фабрикада ёнғин юз берганидан сўнг пайдо бўлди. Ўт ўчирувчилардан бири уни видеога олишга улгурди, сўнг Facebook’да эълон қилди. Роликни 262 минг маротаба томоша қилишди.

Оловли торнадонинг ҳарорати 1000 даражани ташкил этиши мумкин. «Улар иссиқ ҳавога тепадан совуқ ҳаво кирганида юзага келади, сўнг қуюн кузатилади, - дея тушунтирган видео муаллифи. - Оддий торнадолар ҳам худди шундай пайдо бўлади».