Хитойда кучли ёмғир туфайли саккиз киши ҳалок бўлди

Хитойнинг Ганьсу провинциясида кучли ёмғирлар туфайли саккиз киши ҳалок бўлди. Бу ҳақда РИА «Новости» хабар қилмоқда.
  
Агентликнинг маълумотларига кўра, Байинь туманида кучли ёғингарчилик сув тошқини ва уйларнинг вайрон бўлишига олиб келди.

Таъкидланишича, кўплаб автомобильлар сув оқимлари билан оқизиб кетилган.

Ҳозирги пайтда фавқулодда хизматлар провинция ҳудудида жабрланганлар ёки ҳалок бўлганларни қидириш билан банд.

Эслатиб ўтамиз, аввалроқ Хитойнинг Чунцин шаҳрида 100 мингдан зиёд одам сув тошқинлари оқибатида эвакуация қилинганлиги хабар берилганди.

Маълум бўлишича, маҳаллий маъмурият тўғонлар ишининг фавқулодда режимини жорий этган, бу эса сув сатҳининг пасайиши, шунингдек, сув тошқинидан зарарни камайтиришга олиб келиши керак эди.