Танзила Норбоева Қибрай тумани хотин-қизларининг яшаш ва ишлаш шароитлари билан танишди

Ўзбекистон Республикаси Бош вазир ўринбосари, Хотин-қизлар қўмитаси раиси Танзила Норбоева Тошкент вилояти Қибрай туманига ташриф буюриб,  оилалардаги ижтимоий-маънавий муҳит, хотин-қизларнинг яшаш шароитлари билан яқиндан танишди. 

Ташриф давомида Бош вазир ўринбосари туман ФҲДЁ бўлими фаолияти, тадбиркор аёллар, меҳнат билан банд хотин-қизларнинг иш жараёнлари билан ҳам танишди, дея маълум қилади Kun.uz'нинг Тошкент вилоятидаги манбаси.

Шунингдек, учрашув давомида Қибрай туманининг Хотин-қизлар билан ишлаш ва оилаларда маънавий-ахлоқий қадриятларни мустаҳкамлаш бўйича мутахассисларига  оилаларда ижтимоий-маънавий муҳитни яхшилаш, муаммоли ва низоли ҳолатларни ҳал қилишда қандай чора-тадбирларни амалга ошириш мақсадга мувофиқлигини ҳам кўрсатиб ўтди.

 Мазкур ташриф Тошкент вилоятида Хотин-қизлар фаолияти ва ҳаёти билан боғлиқ кўплаб масалаларнинг самарали ечимини топишда алоҳида аҳамият касб этиши шубҳасиз.