Хитойдаги ёрқин тоғлар

Одатда тоғлар сайёҳларни ўзининг шакли ва ҳажмининг улуғворлиги билан ҳайратга солади. Бироқ Хитойнинг Ганьсу провинцияси тоғларининг ўзига хос жиҳати – уларнинг ёрқин ва тўқ ранглари.

Мовий, кулранг, малла, алвон ва яшил – «пуштиранг булут» дея таржима қилинадиган «Дэнксия» геологик боғи айнан шундай рангларда намоён бўлади. Бироқ бутун дунёда бу тоғ тизилмаси «ранг-баранг тоғ» ёки «камалактоғ» номи билан машҳур.

Кузатувчида бу манзара бир-бири устига қуйилаётган денгиз тўлқинларини эслатади.

300-400 метр баландликдаги ранг-баранг тоғ тизилмаси қумдан ташкил топган. Миллион йиллар давомида тўпланиб бориш ва турли ташқи шароитларнинг таъсири остида ҳар бир қатлам ўзининг индивидуал рангига эга бўлган. Ернинг силжиши сабаб ҳар бир қатлам кўз ўнгимизда ёрқин кўриниш касб этган.