Тошкентда икки қаватли ҳашаматли уй 2,3 млрд сўм бошланғич нарх билан аукционга қўйилди

Тошкент шаҳрида икки қаватли ҳашаматли уй аукционга қўйилди. Бундан E-ijro Auksion маълумотлари дарак беряпти.

Баҳоланган нархи - 2 342 829 143,00 сўм. Закалат пули миқдори - 117 141 457,15 сўм. Бу нархи 1 млрд сўмдан юқори бўлган кам сонли лотлардан биридир.

Мол-мулк Учтепа туманида жойлашган. Ер участкасининг умумий майдони - 0,06 га. Уйнинг майдони - 361,55 кв.м. Турар-жой биноси 10та хонадан иборат.

Ижро ҳужжатини чиқарган орган номи - жиноят ишлари бўйича суд. Ижро ҳужжатининг санаси - 2017 йилнинг сентябри.

Аукцион 7 сентябрь куни ўтказилади, аризалар 5 сентябрга қадар қабул қилинади.

Эслатиб ўтамиз, аввалроқ Тошкентда 35та хонага эга икки қаватли бино аукционга қўйилганди.