Саудия Арабистони иқтисодиётни ислоҳ қилиш фикридан қайтди

Саудия Арабистони ҳукумати дунёдаги энг йирик нефть ширкати Saudi Aramco’нинг беш фоизлик акциялар тўпламини биржада бирламчи жойлаштиришдан воз кечди. Бу ҳақда Reuters мамлакат нефть ва газ соҳасидаги манбаларга таяниб хабар бермоқда. Ушбу битим подшоҳлик иқтисодиётини қайта қуриш бўйича глобал режанинг асосий қисми эди.

Нашр маълумотларига кўра, IPO устида ишлаган халқаро молиявий маслаҳатчилар Саудия Арабистони расмийлари томонидан бир мунча вақт олдин чақириб олинган. Расмий равишда, бу ҳали эълон қилинмади.

Келишувдан воз кечишнинг эҳтимолий сабаби шунда бўлиши мумкинки, Saudi Aramco раҳбарияти Saudi Basic Industries Corporation (SABIC) миллий нефть-кимё компаниясида «стратегик улушни қўлга олишга эътибор қарата бошлаган». Ҳозирда унинг 70 фоиз акциялари подшоҳликнинг асосий суверен фондига, яна 5,7 фоизи - давлат ижтимоий суғурта фондига тегишли.

Saudi Aramco’нинг беш фоизини биржада сотиш бўйича битими 2016 йилда подшоҳлик валиаҳд шаҳзодаси Муҳаммад бин Салмон томонидан эълон қилинганди. У Саудия Арабистони иқтисодиёти ва ижтимоий ҳаётини ислоҳ қилиш бўйича «2030 йилни ҳис этиш» глобал дастурининг асосий қисми бўлиши керак эди. Дастур, шунингдек, Миср ва Иордания билан чегарада Neom мегашаҳри қурилишини ҳам ўз ичига қамраб олади.

Ҳукумат тўплам қийматини 100 миллиард долларга баҳолади, бутун компания эса - икки триллион. Келишув қайта-қайта қолдирилди. 2018 йилнинг баҳорида унинг бекор қилиниши ҳақида биринчи марта маълум бўлди.