Эстонияда Россия бўйича янги шубҳа пайдо бўлди

Эстония ташқи разведка департаменти раҳбари Микк Марран Россия томонини НАТО ва Европа иттифоқининг бирлигини бузишга уринишда айблаб чиқди. Бу ҳақда у Postimees'га берган интервьюсида айтди.

Марраннинг сўзларига кўра, Россия томони Европа давлатларидан сиёсатчиларни «таъсир агентлари» сифатида қўлламоқда.

«Россия Европа Иттифоқи ва НАТОнинг бирлигини бузишга ҳаракат қилмоқда», - дея маълум қилди Марран. 

Унинг таъкидлашича, агар Россия бунга эришса, Эстония учун бевосита таҳдидни юзага келтирган бўлади.

Эслатиб ўтамиз, аввалроқ АҚШнинг Россияга қарши янги санкциялари кучга киргани хабар берилганди.