Месси қачонгача футбол ўйнамоқчи эканини айтди

Фото: Getty Images

«Барселона» ҳужумчиси Лионель Месси келажак режалари ҳақида гапириб берди.

«40 ёшгача футбол ўйнашимни осонликча тасаввур қиляпман. Фаолиятимни тугатгач, нима билан шуғулланишим ҳақида ҳозирча ўйламадим. Ҳозир фақат «Барселона» таркибидаги иштироким ҳақида ўйлаяпман. Вақти келганида, кейинги фаолиятим ҳақида бир қарорга келаман.

Режам – Барселона шаҳрида қолиш. Фарзандларим маҳаллий мактабда таълим олмоқда, у ерда дўстлар орттиришган. Мана шу ҳақда кўпроқ ўйламоқдаман», — деб Месси сўзларини келтирмоқда Marca.