Путин АҚШнинг КХДРни қуролсизлантириш имкониятларига шубҳа билан қаради

Россия президенти Владимир Путиннинг маълум қилишича, Шимолий Кореяга хавфсизлик кафолатларини нафақат АҚШ, балки бошқа давлатлар ҳам бериши керак. Унинг Шарқий иқтисодий форум доирасида айтган сўзлари «Лента.ру» томонидан келтирилди.

Россия раҳбарининг таъкидлашича, Пхеньянни фақатгина Вашингтондан хавфсизлик кафолатлари қониқтириши мумкин экани - шубҳали. «Қандай турдаги кафолатлар бўлиши мумкин? Халқаро, - деди у, - халқаро ҳамжамият, шу жумладан, ядро қуролига эга ва бу келишувларда иштироки таъминланган давлатлар бундай кафолатларни бериши мумкин».

Шу билан бирга, унинг таъкидлашича, агар КХДРни фақат АҚШ кафолатлари қониқтирса, унда Москва хурсанд бўлади, бироқ «бу юзага келмаса керак». «Агар Шимолий Корея ядросизланиш йўлида бирор нарса қилса, унда у бутунлай қуролсизланиш ҳақида тинимсиз талаб қилишлар ва ўз хавфсизлиги қандай таъминланиши масаласига ечим топиш эмас, балки бошқа жавоб қадамларини кутади», - дея қўшимча қилиб ўтди Путин.

Россия президенти Шарқий иқтисодий форум доирасида Шимолий Корея раҳбари Ким Чен Инни ўзига қулай бўлган ҳар қандай вақтда Россияга келишга таклиф қилди.

Эслатиб ўтамиз, аввалроқ Ким Чен Ин Россияга келмоқчи экани хабар берилганди.