Қуёшни ўрганишга мўлжалланган NASA зонди илк суратни юборди

Қўшма Штатларнинг NASA космик агентлиги томонидан 12 августда учирилган Parker Solar Probe зонди ўзининг биринчи фотосуратини жўнатди. Бу ҳақда NASA веб-сайтида хабар берилган.

Сурат иссиқлик қалқони орқасида яширинган Wide-field Imager for Solar Probe (WISPR) ускунаси ёрдамида олинган. WISPR иккита камерадан фойдаланади: эълон қилинган тасвирда чапдаги сурат 58 даражалик кўриш майдонида олинган бўлса, ўнгдагиси - 40 даражалик.

Ушбу фотосурат синов тасвири бўлиб, WISPR қандай ишлашини намойиш этади.

Аввалроқ, NASA раҳбари АҚШга космик қўшинлар нега кераклигини маълум қилганди.