Facebook’нинг Осиёдаги  илк дата-маркази қандай кўринишда бўлади?

Компания блогида Осиёдаги илк дата-марказнинг қурилиши бошлангани ҳақида эълон қилинган. Сингапурдаги 11 қаватлик дата-марказнинг қурилиши компанияга 1 млрд долларга тушади.

Янги бинонинг умумий майдони 170 минг квадрат метрни ташкил қилади. Унинг қурилиши Сингапурга янги иш ўринларини беради дея режалаштирилмоқда.Қурилишда ҳам, кейинчалик фаолиятда ҳам Facebook State Point Liquid Cooling (SPLC) технологиясидан фойдаланади. Бу эса сув ва серверларни совутиш учун электрдан камроқ фойдаланишни англатади.

SPLC тизими серверларнинг самарали фаолияти учун зарур бўлган майдонни камайтириб, компанияни механик совутиш заруриятидан халос этади. Кейинчалик дата-марказ яшил энергия ҳисобига ишлайди.

Бугунги кунда Осиё-Тинч океанига ижтимоий тармоқ фойдаланувчиларининг 40 фоизи ёки 894 миллион киши тўғри келади.