Самарқанд вилояти ҳокими соғлиқни сақлаш бошқармаси бошлиғини ишдан олди

24 сентябрь куни Самарқанд вилояти соғлиқни сақлаш бошқармаси бошлиғи Азиз Жўраев вазифасидан озод этилди. Бу маълумотни Соғлиқни сақлаш вазирлиги «Kun.uz»га тасдиқлаган.

Азиз Жўраев вилоят ҳокими Эркинжон Турдимов томонидан лавозимдан олинган.

Маълум қилинишича, эндиликда Давронбек Жуманиёзов Самарқанд вилояти соғлиқни сақлаш бошқармаси бошлиғи вазифасини бажарувчи этиб тайинланган. Жуманиёзов шу вақтга қадар Самарқанд вилоят ногиронлар реабилитация маркази директори вазифасида ишлаб келаётганди.