25-26 сентябрь кунлари Англия Лигаси кубогида 3-босқич ўйинлари бўлиб ўтмоқда. Ушбу босқич якунлангач, жами 92 клуб билан старт олган мусобақада 16та жамоа қолади.
Лига кубогининг 2-босқичидан бошлаб Премьер-лига клублари ҳам иштирок эта бошлаган, аммо «Манчестер Сити», «Челси», «Манчестер Юнайтед», «Тоттенҳэм», «Ливерпуль», «Арсенал» ва «Бернли» еврокубоклардаги иштироки туфайли бу босқичдан озод қилинган эди.
Кечаги баҳсларда «Манчестер Сити» «Оксфорд Юнайтед» майдонидан йирик ғалаба билан қайтди, «Манчестер Юнайтед» эса «Олд Траффорд»да Фрэнк Лэмпард қўл остидаги «Дерби Каунти»га имкониятни бой берди. Ўйиннинг 67-дақиқасида Жозе Моуриньо шогирдлари бир киши кам бўлиб қолишди, дарвозабон Ромеро қизил карточка олиб майдонни тарк этди. 90-дақиқада Марвон Феллайнининг голи эвазига қўшимча бўлимларда тўп суриш имконига эга бўлган «қизил иблислар» пенальтилар сериясига кўра ушбу мусобақадаги иштирокини якунлади.
Бу манкунианликлар жамоаси қаторасига бешинчи марта пенальтилар сериясида ютқазиши бўлди. «Қизил иблислар» сўнгги йилларда Англия лига кубогининг 3 ўйинида, Англия кубоги ва суперкубогининг биттадан ўйинларида шу тарзда имкониятни бой беришган.
Қайд этиш жоиз, «МЮ» Жозе Моуриньо қўл остида илк марта пенальтилар сериясида иштирок этди. Умуман олганда, португалиялик мутахассисни футбол лотереяси бобида омади чопган мураббий, деб бўлмайди. У бутун фаолияти давомида тўқнаш келган 8та пенальтилар сериясидан 7тасида мағлуб бўлган.
Эслатиб ўтамиз, мусобақанинг амалдаги ғолиби «Манчестер Сити» клуби ҳисобланади. «Шаҳарликлар» февраль ойидаги финалда «Арсенал»ни 3:0 ҳисобида мағлуб этиб, бош совринга эга бўлишганди.
Англия Лига кубоги
3-босқич, 25 сентябрь
Манчестер Юнайтед – Дерби Каунти 2:2 (1:0, 1:2, 0:0, 0:0), пен. 7:8
Голлар: 1:0 – 3 Мата, 1:1 – 59 Уилсон, 1:2 – 85 Мэрриотт, 2:2 – 90 Феллайни.
Манчестер Юнайтед – Ромеро, Байи, Янг, Диогу Далот, Жонс, Эррера (Феллайни, 63), Матич, Лингард (Фред, 63), Мата (Грант, 70), Марсьяль, Лукаку.
Дерби Каунти – Карсон, Кио, Форсит, Богл (Уиздом, 87), Томори, Брайсон, Жонсон, Маунт, Уилсон, Ньюджент (Мэрриотт, 79), Беннетт (Йозефзон, 77).
Пенальтилар серияси: 1:0, 1:1, 2:1, 2:2, 3:2, 3:3, 4:3, 4:4, 5:4, 5:5, 6:5, 6:6, 7:6, 7:7, 7:8.
Огоҳлантиришлар: Беннетт (25), Форсит (48), Лингард (54), Матич (90).
Четлатиш: Ромеро (67).
Оксфорд Юнайтед – Манчестер Сити 0:3 (0:1, 0:2)
Голлар: 0:1 – 36 Габриэл Жезус, 0:2 – 78 Маҳрез, 0:3 – 90 Фоден.
Оксфорд Юнайтед – Митчелл, Нелсон, Гарбатт, Дики, Лонг, Брэннаган (Раффлз, 55), Хэнсон (Генри, 67), Баптист, Холмс (Смит, 77), Обика, Уайт.
Манчестер Сити – Мурич, Отаменди, Стоунз, Компани, Данило, Фоден, Зинченко, Маҳрез (Бернабе, 85), Сильва (Гундўған, 63), Браим Диас (Стерлинг, 55), Габриэл Жезус.
Огоҳлантиришлар: Гарбатт (37), Данило (64), Дики (82).
Блэкпул – КПР 2:0 (1:0, 1:0)
Голлар: 1:0 – 28 Ньяндюйе, 2:0 – 90 Спиринг.
Четлатиш: Казнс (70, КПР).
Вулверҳэмптон – Лестер 0:0, пен. 1:3
Престон – Мидлсбро 2:2 (1:1, 1:1, 0:0, 0:0), пен. 3:4
Голлар: 1:0 – 27 Робинсон, 1:1 – 34 Флетчер, 2:1 – 66 Баркхузен, 2:2 – 69 Тавернье.
Борнмут – Блэкберн 3:2 (1:0, 2:2)
Голлар: 1:0 – 14 Станислас, 2:0 – 58, пенальти Айб, 2:1 – 63 Конуэй, 2:2 – 72, пенальти Армстронг, 3:2 – 90 Уилсон.
Четлатиш: Уильямс (90, Блэкберн).
Миллуолл – Фулҳэм 1:3 (0:1, 1:2)
Голлар: 0:1 – 7 Брайен, 0:2 – 52 Де Ла Торре, 1:2 – 61 Эллиотт, 1:3 – 68 Кристи.
Уиком – Норвич 3:4 (1:3, 2:1)
Голлар: 0:1 – 12 Роудс, 0:2 – 14 Роудс, 1:2 – 17 Коуэн-Холл, 1:3 – 41 Трибулл, 1:4 – 51 Роудс, 2:4 – 61, пенальти Сондерс, 3:4 – 75 Маккарти.
Бертон – Бёрнли 2:1 (0:1, 2:0)
Голлар: 0:1 – 40 Лонг, 1:1 – 62 Бойс, 2:1 – 83 Аллен.
Вест Бромвич – Кристал Пэлас 0:3 (0:1, 0:2)
Голлар: 0:1 – 6 Таунсенд, 0:2 – 76 ван Анхолт, 0:3 – 81 Таунсенд.
26 сентябрь
23:45. Ноттингем Форест – Сток Сити
23:45. Ливерпуль – Челси
23:45. Вест Ҳэм – Мэкклсфилд
23:45. Арсенал – Брентфорд
23:59. Тоттенҳэм – Уотфорд
