Трамп КХДРнинг ядросизланишини тезлаштиришдан бош тортди

Америка Қўшма Штатлари президенти Дональд Трампнинг маълум қилишича, Шимолий Кореянинг ядросизланиши муддатлари Вашингтон учун аҳамиятга эга эмасдир. Бу ҳақда у матбуот анжумани давомида айтиб ўтди, дея хабар беради Reuters.

«Менимча, биз ҳақиқатдан ҳам жуда муҳим ишни қилмоқчимиз, аммо вақт билан ўйнашмаймиз. Бу икки, уч йил ёки беш ойни талаб қилар - бу муҳим эмас», - деди Трамп тегишли саволга жавоб қайтариб.

Эслатиб ўтамиз, аввалроқ Трамп Ким Чен Инни мақтаганди.

АҚШ президенти Дональд Трамп Жанубий Корея президенти Мун Чжэ Ин билан учрашувда Шимолий Корея раҳбари Ким Чен Ин ҳақида ижобий фикрлар билдирган.

«Корея Меҳнат партияси раиси Ким [Чен Ин], очиқ айтадиган бўлсам, жуда очиқ ва ажойиб инсондир», - дея маълум қилган Трамп.