Трамп ва Ким Чен Ин учрашиши мумкин бўлган жойлар бўйича тахмин билдирилди
АҚШ президенти Дональд Трамп Шимолий Корея етакчиси Ким Чен Ин билан навбатдаги учрашувни режалаштираётганини маълум қилгандан кейин Япония ва Жанубий Корея ОАВда икки етакчи учрашиши мумкин бўлган жойлар бўйича турли тахминлар билдирила бошланди. Тахминларга кўра, учрашув октябрда Пханмунчжом, Сеул ёки Венада бўлиб ўтиши мумкин.
Япониянинг “Емиури Симбун” нашри фикрича, учрашув Жанубий ва Шимолий Корея чегарасидаги Пханмунчжом аҳоли пунктида ўтиши эҳтимоли катта. Бироқ нашрнинг ёзишича, Жанубий Корея ҳукумати АҚШ-Шимолий Корея саммити Сеулда ўтишига умид қилмоқда. Бу учрашувни уч томонлама форматда ўтказишга ҳамда Трамп ва Ким Чен Ин ўртасидаги музокаралар муваффақиятли кечса, Корея яриморолидаги урушнинг расман тугатилгани ҳақидаги келишувни имзолашга имкон беради. Аммо нашр Ким Чен Ин учрашувнинг Сеулда ўтишига рози бўлиши даргумонлигини қўшимча қилмоқда.
Бу орада Жанубий Корея ОАВ саммит ўтказиладиган жой сифатида Вена ва Женева фаол муҳокама қилинаётганини ёзмоқда. Бу жойлар Ким ва Трамп нуқтаи назаридан нейтрал майдончалар ҳисобланади.
Аввалроқ АҚШ давлат котиби Майк Помпео учрашувнинг аниқ жойи ва вақти ҳали белгиланмагани, бироқ у “октябрда ёки кейинроқ ўтказилиши мумкинлигини” айтган.
Мавзуга оид
18:21 / 19.09.2024
Дўстона давлатлар бўйлаб турне. Шойгунинг КХДР, Эрон ва Сурияга ташрифлари ортида нима бор?
14:33 / 10.09.2024
Шимолий Корея ядровий салоҳиятини сезиларли даражада оширади
22:11 / 31.08.2024
Путин Ким Чен Инга 24 бош от совға қилди
13:11 / 28.08.2024