Жонсон Brexit бўйича ўз режасини эълон қилди

Буюк Британиянинг собиқ ташқи ишлар вазири Борис Жонсон Лондоннинг Европа иттифоқидан чиқиши бўйича ўз режасини эълон қилди. Бу ҳақда The Daily Telegraph хабар бермоқда.

Унинг сўзларига кўра, бу режа Буюк Британия бош вазири Тереза Мэй ҳукуматининг таклифларига муқобил вариант саналади.

Шунингдек, унинг қўшимча қилишича, ҳозирги вақтда Лондон Brexit бўйича музокараларда салбий позицияда турибди.

Жонсоннинг қайд этишича, Мэй ҳукумати Европа иттифоқи билан музокаралар чоғида «қандайдир ҳаракатларни амалга оширишни истамаслик» орқали ўзини кўрсатди.

Эслатиб ўтамиз, аввалроқ Буюк Британия мамлакатга келаётган баъзи ишчиларга имтиёзларни бекор қилганди.

Британия вазирлар маҳкамаси мамлакатнинг Европа иттифоқи (ЕИ) таркибидан чиққанидан кейинги миграцион сиёсат лойиҳасини маъқуллади. Таъкидланишича, вазирлар маҳкамаси Буюк Британия ички ишлар вазири Сажид Жовиднинг лойиҳасини кўриб чиқди. Унда мамлакатда ишлашни истаганлар учун чекловлар тартибга солинади.