Осиёнинг нуфузи жиҳатидан иккинчи ўринда турувчи, клублар ўртасидаги ОФК Кубоги мусобақасида финалчилар аниқланди.
Туркманистоннинг «Олтин Аср» клуби ўз майдонида Шимолий Кореянинг «25 апрель» клубини қабул қилиб, 1:1 ҳисобида дуранг ўйнади. Дастлабки ўйинда 2:2 ҳисоби қайд этилгани боис, туркманистонликлар тарихда илк маротаба финалга йўл олдилар.
«Олтин Аср» 27 октябрь куни финалда Ироқнинг «Ал-Қувватул Жавия» клуби билан беллашади.
Эслатиб ўтамиз, Ўзбекистон клублари ичида Қаршининг «Насаф» жамоаси 2011 йилда ОФК Кубоги соҳиби бўлган.
ОФК Кубоги, ҳудудий финал
3 октябрь
Олтин Аср (Туркманистон) - 25 апрель (КХДР) - 1:1
Голлар: Ўрозсахедов (64 пен) - Хан (7)
Дастлабки ўйин: 2:2
Финал
27 октябрь
Ал-Қувватул Жавия (Ироқ) - Олтин Аср (Туркманистон)