Нурмагомедов UFC раҳбарини танқид қилди

Аралаш йўналиш (MMA) бўйича россиялик жангчи Ҳабиб Нурмагомедов Мутлақ жангчилар чемпионати (UFC) президенти Дена Уайтни ирландиялик Конор Макгрегорни қўллаб-қувватлаётгани учун танқид остига олди.

Уайт бир неча бор Макгрегорга яхши муносабатда эканини очиқдан-очиқ маълум қилган, Нурмагомедов иштирокидаги матбуот анжумани чоғида эса у билан спиртли ичимлик истеъмол қилди.

«Дена унга ёқиш бўйича ўз ҳаракатларини тўхтатиши керак. У Конорнинг камарлари қаерда эканини қандай қилиб сўраши мумкин? У сўнгги икки йил ичида нималар содир бўлганини билмайдими? UFC енгил вазн тоифасида чемпионликка эга, энди эса у Конорнинг камарлари қаерда экани ҳақида гапиряпти. У адашиб кетди. У камарларини эмас, балки ақлини йўқотган.

UFC менинг чемпионлигим борасида ҳеч қандай салбий позицияда эмас, сабаби мен номимга доғ туширадиган иш қилмаганман. Бироқ, ҳозирда UFC’даги барча одамлар ҳақида ҳаммасини ҳам билмайман, кимдир Конор ғалаба қозонишини хоҳламоқда, чунки у жуда машҳур, улар эса кўп пул ишлаб олиши мумкин», - дея россияликнинг сўзларини келтиради журналист Ариэль Хельвани.

Эслатиб ўтамиз, аввалроқ Нурмагомедов Макгрегорнинг юраги ва онгини йўқ қилиб ташламоқчи экани хабар берилганди.