4 октябрда кундузи “Союз МС-08” космик кемаси капсуласи россиялик космонавт Олег Артемьев ва NASA’нинг 2 астронавти – Эндрю Фойстел ва Ричард Арнольд билан Халқаро коинот станциясидан Ерга қайтди. Фазогирлар 56-экспедициянинг иштирокчилари бўлдилар.
Капсула Қозоғистоннинг Жезқазған шаҳридан жануб томонда қўнган.
Ушбу экспедиция Бойқўнғир космодромининг 1-майдончасидан 21 мартда фазога учирилган. Шу тариқа фазогирлар орбитада 197 кун қолишган.
ХКСга кейинги экспедиция иштирокчилари келгунча Сергей Прокопьев (Роскосмос), Серина Ауньён-Чэнселлор (NASA) ва Александр Герст (ESA) орбитада ишлашда давом этади.