Уй сотуви баҳонасида 64 млн сўмга «ухлатган» шахс ушланди

2018 йил 8 октябрь куни Самарқанд вилоятининг Паст Дарғом туманида яшовчи Ғ.Х. ИИБга мурожаат қилган, деб хабар бермоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Унда 2017 йил 25 апрель куни унинг таниши У.Қ. (исмли аёл) ўзининг Сўғдиёна масканида жойлашган хонадонини сотмоқчи эканлигини айтиб, алдов йўли билан ундан 64 млн. 117 минг сўм пулини олиб, шу кунгача уйининг ҳужжатларини ҳам, олган пулларини ҳам бермай келаётганлигини маълум қилган.

Кўрилган чоралар натижасида У.Қ. ушланган. Ҳолат юзасидан жиноят иши қўзғатилиб, тергов ҳаракатлари олиб борилмоқда.