Жанубий Хитой денгизида балиқ ҳужумидан кейин қўлбола солда бир неча кунни денгизда ўтказишига тўғри келган филиппинлик балиқчилар қутқариб олинди.
3 октябрда 5 нафар балиқчи бўлган 12 метрлик қайиқ марлин балиғи сабабли яроқсиз ҳолга келган. Икки метрлик балиқ ўлжасини таъқиб қилаётганда икки марта қайиққа урилган ва бунинг оқибатида қайиқ тубида тешик ҳосил бўлган.
Балиқчилар сувда қолгач, қайиқ бўлакларидан қўлбола сол ясаб олишган. Воқеадан 7 кун ўтгач эса уларни АҚШ ҳарбий-денгиз кучларининг Wally Schirra транспорт кемаси денгизчилари пайқаб қолиб, қутқариб олишган.
“Биз уларни кеч бўлмасидан топдик”, деб айтган кема вакили. Унинг айтишича, балиқчилардаги ичимлик суви икки кунгагина етган, сўнгра улар денгиз сувини ичишларига тўғри келган.
