Модрич «Интер»га ўтолмай қолганидан афсусда

Фото: Goal.com

«Реал» яримҳимоячиси Лука Модрич ёзда «Интер»га ўтолмай қолганидан афсусланмоқда, деб ёзади La Gazzetta dello Sport.

Айниқса, жамоанинг мавсумни муваффақиятсиз бошлагани Модричнинг хафсаласини пир қилган. Айни пайтда, Хулен Лопетеги шогирдлари Испания чемпионатида 4-ўринни эгаллаб туришибди.

33 ёшли хорватиялик «Реал»ни тарк этиш фикридан ҳамон қайтмаган. Аммо, унинг қишда «Интер»га ўтиб кетиш эҳтимоли жуда паст.

Жорий мавсумда Модрич «Реал» таркибида 8та ўйин ўтказиб, 1та голга ҳаммуаллифлик қилган.