Пентагон собиқ раҳбари АҚШ ва Россия муносабатларини яхшилаш йўлини топди

Фото: Yonhap/Suh Myung-gon/AP

АҚШ собиқ мудофаа вазири Вильям Перрининг маълум қилишича, Россия ва Қўшма Штатлар ўртасидаги муносабатлар фақат мулоқот орқали яхшиланиши мумкин. Бу ҳақда «РИА Новости» хабар бермоқда.

Ушбу баёнот билан собиқ вазир Сан-Францискода бўлиб ўтган «Форт Росс мулоқоти» форуми якунлари бўйича чиқди.

«Америка-Россия муносабатлари ёмон ҳолатда ва яхшиланишга муҳтож, уларни фақат мулоқот орқали яхшилаш мумкин», - деди Перри.

Унинг қайд этишича, форум мулоқот платформаларидан бири ҳисобланади. Собиқ вазир бу каби учрашувларни янада кўпроқ ўтказишга чақирди. Бундан ташқари, Пентагон собиқ раҳбарининг фикрига кўра, давлатлараро ҳамкорликни расмий даражага олиб чиқиш керак.

Эслатиб ўтамиз, аввалроқ АҚШ махсус топшириқли кучлари рус қуролларини ишлаб чиқармоқчи экани ҳақида хабарлар тарқалди.

#Россия #АҚШ #Вильям Перри