Тошкентда Ўзбекистон ва Россия Ⅰ минтақалараро ҳамкорлик форуми ўз ишини бошламоқда

2018 йил 18 октябрь куни Тошкентнинг “Ўзэкспомарказ” кўргазмалар залида Ўзбекистон-Россия Ⅰминтақалараро ҳамкорлик форуми ўз ишини бошлайди. Таъкидланишича, бугун, 18 октябрь куни ушбу форум доирасида Россия Экспорт маркази ишбилармонлик миссияси Ўзбекистондаги фаолиятини бошлайди. Бу ҳақда форум матбуот марказида фаолият юритаётган Kun.Uz мухбири хабар бермоқда. 

Қайд этиш керакки, форум доирасида қатор секция мажлислари бўлиб ўтади. Жумладан,

- Ўзбекистон ва Россия минтақалараро алоқаларини кучайтириш орқали Россия ЭИЗ ва саноат парклари салоҳиятидан фойдаланиш;
- Рақамли трансформацияда иқтисодиётни рақамлаштириш, давлат бошқаруви ва иқтисодиётнинг бошқа соҳаларида илғор технологияларни қўллаш масалалари;
- Агросаноат мажмуаси бўйича ҳамкорликни ривожлантиришга доир амалий семинар кабилар ташкил этилади.