«Реал» ёзда бир футболчини қўлга киритиш учун барча чораларни кўради

«Реал» келаси йил ёзида «ПСЖ» ҳужумчиси Неймарни қўлга киритиш учун барча чораларни кўрмоқчи.

Goal хабарига кўра, клуб президенти Флорентино Перес нима қилиб бўлса-да, 26 ёшли футболчи трансферини амалга оширишни истаяпти. Мулозим Роналду кетганидан сўнг, «Сантьяго Бернабеу»да янги юлдуз порлашини хоҳлаяпти.

Жорий мавсумда Неймар «ПСЖ» таркибида 11та ўйин ўтказиб, 11та гол урган ва 5та голга ҳаммуаллифлик қилган. Аввалроқ, «ПСЖ» уни ёзда 222 миллион евро эвазига қўйиб юборишга тайёрлиги ҳақида хабарлар тарқалган эди.