Жанубий Кореядаги ёнғинда ўзбекистонлик мигрантларнинг 4 ёшли ўғли ҳалок бўлди

Фото: MBCNEWS

20 октябрь, шанба куни Жанубий Кореянинг Кёнсан-Намдо вилояти, Кимхэ шаҳридаги кўп қаватли уйда ёнғин содир бўлди.

Кореянинг news.naver.com нашри хабарига кўра, ёнғин оқибатида Ўзбекистондан келган мигрантларнинг тўрт нафар фарзанди жабр кўрган. Улардан бири, 4 ёшли бола ҳодиса туфайли ҳалок бўлди. Бошқа уч нафар бола жиддий жароҳат олган.

Соат 19:40да бошланган ёнғин йигирма дақиқадан сўнг ўчирилди. Болалар бинонинг иккинчи қаватида аниқланди.

Бошқа оммавий ахборот воситалари хабарига кўра, ҳалок бўлганлар орасида 14 ёшли қиз ҳам бор.