Самарқандда босқинчилар жиноят жойида қўлга олинди

Самарқанд вилоятининг Каттақўрғон туманида жиноят юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Маълум бўлишича, 29 октябрь соат 00:30ларда Паст Дарғом туманида яшовчи А.А. ва А.Ж. ўзларининг “Нексия” русумли автомашинасида пичоқ ва ёғоч бўлаклари билан қуролланган ҳолда Ш.Р.нинг уйи олдига келиб, очиқ эшик орқали босқинчилик мақсадида Ш.Р.нинг уйига кирганларида ички ишлар органлари ходимлар томонидан ушланганлар. 

Ҳолат юзасидан жиноят иши қўзғатилиб, тергов ҳаракатлари олиб борилмоқда.