Афғонистонда ҳарбий вертолёт қулаши кўплаб қурбонларга олиб келди 

Афғонистоннинг Фараҳ вилоятида армия вертолёти ҳалокатга учради. Вертолёт бортида камида 25 киши бўлган. Маҳаллий маъмуриятнинг маълум қилишича, ҳалокатда ҳеч ким омон қолмаган.

Воқеа юз берган вақтда ҳавода 2 та вертолёт бўлган, улардан бири қулаб тушган. Маълум қилинишича, ҳалок бўлганлар орасида Фараҳ вилояти кенгаши раҳбари Фарид Бахтавар ҳам бўлган. Айни вақтда ҳалокат сабаблари ўрнатилмоқда.

Таъкидланишича, вертолёт толиблар томонидан назорат қилинган ҳудудга қулаган.