Арманистон Бош прокуратураси Хачатуровга нисбатан муносабатни қатъийлаштирмайди

Арманистон Бош прокуратураси Коллектив хавфсизлик шартномаси ташкилоти (КХШТ) нинг собиқ бош котиби Юрий Хачатуровга нисбатан профилактика чораларини ўзгартириш ниятида эмас. Бу ҳақда душанба куни ўтказилган брифингда Бош прокуратура бўлим бошлиғи Аревик Хачатрян маълум қилди.

“КХШТ Бош котиби лавозимидан олиб ташланиши Юрий Хачатуровга нисбатан профилактика чорасини ўзгартириш учун янги асос бўлолмайди. Прокуратура Хачатуровга нисбатан профилактика чораларини қайта кўриб чиқиш зарур, деб ҳисобламайди“, деди у.

2 ноябрь куни КХШТ Коллектив хавфсизлик кенгашининг қарорига биноан Юрий Хачатуров ташкилотнинг Бош котиби лавозимидан озод этилди. Уни лавозимдан олиш тўғрисидаги ишни барвақт кўриб чиқиш арман томони ташаббуси билан юз берди.

Арманистон Бош вазири Арман Егояннинг сўзларига кўра, 8 ноябрь куни Остона шаҳрида ўтказилиши кутилаётган ташкилотнинг янги саммитида КХШТ бош котиби лавозимига янги шахсни тайинлаш масаласи муҳокама қилинади.

26 июль куни Арманистон Махсус тергов хизмати КХШТ Бош котиби Юрий Хачатуровни 2008 йилда конституцион тузумни ағдаришда айблаганди. У суд қарори билан ҳибсга олингандан сўнг, шаҳарни ташлаб кетмаслик шарти билан, кафолат пулини тўлаган ҳолда озодликка чиқарилган.