Шимолий Кореяда Ким Чен Ин суратлари илк бор оммавий намойиш қилинди

Шимолий Кореяда мамлакат етакчиси Ким Чен Иннинг суратлари илк бор оммавий намойиш қилинди. Бу ҳақда “Рёнхап” ахборот агентлиги хабар берди.

Шимолий Кореяга келган Куба етакчиси Мигел Диас-Канель билан учрашув вақтида икки давлат етакчисининг суратларини Пхеньян халқаро аэропортида кўриш мумкин бўлган.

“Шимолий Корея асосчиси Ким Ир Сен ва унинг ўғли Ким Чен Ирнинг суратлари мажбурий равишда ҳар бир давлат муассасаси ва ҳар бир хонадонда осиғлиқ туради, бироқ Шимолий Кореяда Ким Чен Иннинг сурати илк бор расман намойиш қилинмоқда”, деб қайд қилиб ўтилган Жанубий Корея ахборот агентлигида.